05.11.2015
Павлодарда мүмкіндігі шектеулі балаларға арналған бала-бақша ашылды
Павлодар. 5-қараша. ИНТЕРФАКС-ҚАЗАҚСТАН В Павлодарда "Нұр Отан" партиясының бұрынғы ғимаратында мүмкіндігі шектеулі балаларға арналған арнайы бала-бақша ашылды. Бұл туралы бейсенбі күні облыс əкімдігінің баспасөз қызметі хабарлады.
"Былтыр облыс əкімі Қанат Бозымбаевтың тапсырмасы бойынша "Нұр Отан" партиясы ғимаратты коммуналдық меншікке қайтарған болатын. Бала-бақша По "ERG КӨМЕК" компаниясымен бірлесіп, мемлекет-жеке меншік серіктестігі негізінде қайта қалпына келтірілді", делінген хабарламада.
Балаларды тəрбиелеуге 52 маман жұмылдырылған. Бала-бақша топтық жəне жатын бөлмелермен, медициналық блокпен, кір жуу бөлмесімен, тамақтандыру блогымен, музыка жəне спорт залдарымен жабдықталған. Мекеме аумағы абаттандырылып, балалардың ойын алаңы орнатылған.
Хабарламаға сүйенсек, бала-бақша қосымша 70 баланы мектепке дейінгі тəрбиемен қамтуға мүмкіндік берді, деді Қ.Бозымбаев.
Қазіргі таңда облыс аумағында 164 бала-бақша, 268 шағын орталық жұмыс істейді. Онда 38 мыңнан астам бала тəрбиеленіп жатыр.
Жаңа бала-бақша ашылғаннан кейін облыс бойынша 1-6 жас аралығындағы балаларды мектепке дейінгі біліммен қамту 73,1 пайызға жетті. Ал, 3-6 жас аралығындағы балалар бала-бақшамен толық қамтылған. Соның ішінде, ерекше күтімді қажет ететін 670 бала бес арнайы бала-бақша мен алты жалпы бала-бақшада тəрбиеленіп жатыр.
Облыстық Білім басқармасының мəліметінше, бүгінгі таңда Павлодар облысында 2 мың мүмкіндігі шектеулі бала тұрады.
Айдарлар мұрағаты
