03.09.2015

«Павлодар қазандық зауытында» жаңа өндіріс желісі іске қосылды

Павлодар. 3-қыркүйек. ИНТЕРФАКС-ҚАЗАҚСТАН – «Павлодар қазандық зауыты» ЖШС жалпы құны 60 млн теңгелік өндіріс желісін іске қосты. Жаңа өндіріс желісі экологиялық таза сэндвич-панель шығарумен айналысады, деп хабарлайды облыс әкімдігінің баспасөз қызметі.

Баспасөз қызметі таратқан хабарламаға сүйенсек, жаңа желі құрылыс нысандарын толығымен қазақстандық өнімдермен салып шығуға мүмкіндік береді.

«Павлодар қазандық зауыты» ЖШС 1998 жылы ашылған. Зауыттың суды ысытуға арналған қазандықтары үйлер мен өнеркәсіп орындарын жылыту, желдету және ыстық сумен қамтамасыз ету жүйесінде қолданылады.

Айдарлар мұрағаты