12.08.2014

Павлодар облысында астық қабылдау үшін сыйымдылығы 695 мың тонна астық қоймалары дайындалды

Павлодар.12 тамыз.ИНТЕРФАКС-ҚАЗАҚСТАН – Павлодар облысында биылғы жылдың бидайын қабылдау үшін сыйымдылығы 695 мың тонна астық қоймалары дайындалды, деп хабарлады облыстық ауыл шаруашылығы басқармасының жетекшісі Жанат Шұғаев аймақ әкімшілігінің аппарат отырысында.

Көкөніс дақылдары мен картопты сақтау үшін облыста жалпы алғанда сыйымдылығы 193,4 мың тонна 101 қойма бар, оның ішінде 28 қойманың сыйымдылығы 130,9 мың тонна, олар заманауи технологиялық жабдықтармен жарақтандырылған.

Жиында сондай-ақ шөп пен ірі азық дайындау мәселесі қаралды. Ж.Шұғаевтың ақпаратына қарағанда, облыста бүгінгі күнге қарағанда 856,7 мың гектар шабылған (60,2%), 339,4 мың тонна шөп дайындалған, орташа өнімділігі бір гектардан 4 центнерді құрап отыр. Сақтау орындарына 213 мың тонна шөп жеткізілген.

Облыс әкімі Қанат Бозымбаев атап өткендей, аймақтың бірде-бір шаруа қожалығы шөп пен ірі азықсыз қалмауға тиіс. "Облыстың ауыл шаруашылық басқармасы қала және аудан әкімдерімен бірлесіп шөпті бөлу кестесін жасауы шарт. "Павлодар" әлеуметтік-кәсіпкерлік корпорация арқылы қор құру жағын ойластыру керек, өткен жылдардағы жағдайлар қайталанбауға тиіс", деді әкім.

Қ.Бозымбаев атап өткендей, облыс бойынша астық жинау науқаны 1-қазанға дейін аяқталуға тиіс. Одан кейін ауа -райы қолайлы болмайды", деді ол.

Айдарлар мұрағаты