12.08.2014

Павлодарда "дөңгелекпен" жүретін "қазақ-орыс" сөздігі пайда болды

Павлодар.12 тамыз. ИНТЕРФАКС-ҚАЗАҚСТАН –Павлодарда қоғамдық көлік қала тұрғындарына қазақ тілін үйренуге көмектеспек.

Сейсенбіде линияға үш трамвай шықты, олар дөңгелекпен жүретін сөздік рөлін атқармақ, делінген облыс әкімінің баспасөз қызметінен таралған ақпаратта.

Трамвай вагондарына тұрмыста жиі қолданылатын сөздер, сөйлемдер, мақал-мәтелдер қазақ және орыс тілдерінде жазылған. Бұл жобаны ұйымдастырушылар-қалалық трамвай басқармасы және тілдерді дамыту жөніндегі облыстық басқарма, олар қарапайым сөйлемдер елдің есінде жатталып қалады, деген сенімде.

"Трамвайдың күніне бір мың адамды, травмай паркінің жылына 20 млн адамды алып жүретінін ескерер болсақ, вагондағы жазуларды жолаушылар тұрмыс-тірлігінде қолданатын болады деп санаймыз", делінген онда.

Қазақстанда 130-дан аса ұлт пен халықтардың өкілдері тұрады, қазақ тілі- мемлекеттік тіл. Сонымен қатар, мемлекеттік ұйымдар мен органдарда қазақ тілімен қатар ресми түрде орыс тілі қолданылады.

Айдарлар мұрағаты