30.05.2014

Павлодар облысы Ресей және Белорусь елдерімен сауданы арттыруда

            Павлодар. 29 мамыр. ИНТЕРФАКС-ҚАЗАҚСТАН - Павлодар облысы соңғы үш жылда Ресейге электр қуатын тасымалдауды үш еседен астам (2013 жылы 0,8 млрд кВтсағ-тан 2,5 млрд кВтсағ. дейін), көмір 1,5 есеге (16,4 млн тоннадан 24,7 млн тоннаға дейін),арттырды, деп облыстық әкімдіктің баспасөз қызметі мәлімдеді.

            Жоғары қосымша құнмен өнім жеткізу мөлшері артуда. Мәселен, Павлодар машинажасау зауыты былтыр Ресейге 2,7 млн $-ға тоғыз кран, "Нефтехим LTD" ЖШС отыз мыңнан астам полипропилен мен метил-трет-бутилді эфир жеткізді. «Қазэнергокабель» АҚ кабель-өткізгіш өнім мен алюминий сым жеткізеді, "KSP Steel" ЖШС жапсарсыз тұрбалар сатады.

            Павлодар облысынан ресейлік аймақтарға алюминий тотығы, алюминий, түсті металл рудасының қоспалары және басқа өнімдер жеткізіледі.

            Мұнымен қоса Павлодар Ресейге шұжық өнімдерін, жартылай ет өнімдерін, макарон өнімдерін жеткізеді. Былтыр 164 тонна ет өнімі экспортталса, биыл 500 тоннадан астам ет экспорты жоспарланып отыр.

            Соңғы үш жылда Екатеринбург, Омск, Новосибирскіде Павлодар машинажасау зауытының, «Format Mach Company – Сібір» ЖШС және «Сварко» ЖШС-нің өкілдіктері ашылды. Таяуда Мәскеуде «Ромат» фармкомпаниясы мен «Свет» ЖШС қуат үнемдегіш шамдар өндірушінің өкілдіктері, Омск мен Новосибрискіде «Азимут» ЖШС жиһаз фабрикасының, «Гофротара» ЖШС қаптама өнімдер шығарушының өкілдіктері ашылмақ.

            Аймақтың Белорусь елімен тауар айналымы артуда. Соңғы үш жылда ол 10 млн доллардан 30 млн долларға артқан. Павлодар облысында «Иртыш Лифт» ЖШС лифт жинақтайтын кәсіпорын жұмыс істейді. Онда бөлшектерді белорустық «Могилевлифтмаш» жеткізеді. Бірлескен бағдарлама бойынша 100-ден астам лифт жинақталды. «Былтырғы жылы облысымыздың делегациясы Минскіде болып қайтты. Сапар қорытындысы бойынша «Павлодарлифт» ЖШС қызмет көрсетуші кәсіпорын «Могилевлифтмаш» компаниясынан 130 млн теңгеге лифт қондырғыларын сатып алды» - делінген хабарламада.

            Қазақстанның электролиз зауыты белорус нарығына жылына 6 мың тонна алюминий жеткізеді.

Айдарлар мұрағаты