31.12.2025, 12:35

Қазақстан ІҚМ етін әкетуге квота енгізді

Астана.31 желтоқсан. ИНТЕРФАКС-ҚАЗАҚСТАН-Қазақстан ауыл шаруашылығы министрлігі 20225 жылғы 31 желтоқсаннан бастап Еуразиялық экономикалық одақтың (ЕАЭО) үшінші елдері мен мемлекеттеріне ірі қара малдың (ІҚМ) етін әкетуге квоталарды бөлу қағидаларын қолданысқа енгізеді, деп хабарлады аграрлық ведомствоның баспасөз қызметі. Норма 2026 жылғы 30 маусымға дейін қолданылады. ІҚМ етін әкетуге квотаның жалпы мөлшері 20 мың тонна деңгейінде белгіленген. Ережеге сәйкес, бір экспорттаушыға квота мөлшері бордақылау орнының қуатына байланысты болады. Атап айтқанда, қуаттылығы: 5 мың бастан — 1 мың тоннаға дейін; 10 мың бастан — 2 мың тоннаға дейін; 15 мың бастан — 3 мың тоннаға дейін; 20 мың бастан — 4 мың тоннаға дейін; 50 мың бастан — 10 мың тоннаға дейін. Квота ет өңдеуші кәсіпорындар меншіктегі немесе келісімшарттық мал басын пайдалану кезінде өндірген ірі қара мал етіне бөлінеді. Ауыл шаруашылығы министрлігінің мәліметінше, Қазақстанда 2025 жылғы қаңтар-қарашада барлық түрдегі 1,02 млн тонна ет өндірілді, бұл 2024 жылғы көрсеткіштен 3% - ға артық.

Материалдардың толық нұсқасымен танысу үшін ақылы жазылу қызметін пайдаланыңыз.