Жаңартылды: 23.05.2018, 17:57 (АСТ)

07.09.2016

Павлодар облысы мен РФ арасындағы тауар айналымы биылғы жылдың бірінші жартысында 517 млн долларды құрады


Павлодар. 7 қыркүйек. ИНТЕРФАКС-ҚАЗАҚСТАН – Биылғы жылдың бірінші жартысында Павлодар облысы мен РФ арасындағы тауар айналымы 517 млн долларды құрады. Бұл туралы сәрсенбі күні Ресей федерациясының Қазақстандағы төтенше және өкілетті елшісі Михаил Бочарниковпен кездесуде Павлодар облысының әкімі Болат Бақауов хабарлады.

«2016 жылдың бірінші жартысында тауар айналымы 517 млн долларды құрады. Оның ішінде, экспорт 301 млн доллар, импорт үлесі 216 млн доллар», - деді Б.Бақауов, делінген облыс әкімдігінің баспасөз қызметі таратқан хабарламада.

Осылайша, биылғы қаңтар-маусым аралығындағы тауар айналымы өткен жылдың осы уақытымен салыстырғанда 20 пайыз кеміген ($646,2 млн).

Сонымен қатар, Б.Бақауов пен М.Бочарников екі жақты ынтымақтастық талаптарын талқылап, Қазақстан мен Ресейдің 2016 жылы қазанда Астанада өтетін XIII Аймақаралық ынтымақтастық форумы жайын ортаға салды.

«Форум шеңберінде мемлекеттер басшылары кездеседі. Оған министрлер мен айәмақтар басшылары қатысады, - деді М.Бочарников. – Сондай-ақ, орталық және аймақтық органдар арасында бірқатар құжаттарға қол қойылады».

Облыс басшысы баспасөз қызметінің мәліметінше, Ресеймен арадағы сыртқы эко,номикалық байланыстарға Павлодар облысының 900-ден астам кәсіпорны қатысады. Аймақта 200-ден астам қазақ-ресей кәсіпорны жұмыс істеп жатыр.

Ресейге экспортталатын негізгі өнім – топырақты алюминий тотығы, алюминий, көмір, металлургия және химия өнеркәсібінің дайын өнімдері (құбыр өнімдері, полипропилен, хлор, тұз қышқылы).

2015 жылы РФ мен Павлодар облысы арасындағы тауар айналымы 1,2 млрд долларды құраған болатын. Оның 700 млн доллары экспорттың, 500 млн долларцы импорттың еншісінде.


Айдарлар мұрағаты

Баспасөз орталығы



Error message here!

Show Error message here!

Close