20.05.2016

2015 жылы Павлодар облысында ауыл шаруашылық ерлерін жалға беру жөнінде 39 конкурс жарияланған

Павлодар. 20 мамыр. ИНТЕРФАКС-ҚАЗАҚСТАН – 2015 жылы Павлодар облысында ауыл шаруашылық жерлерін жалға беру жөнінде 39 конкурс жарияланған. Онда 434,1 мың гектар ауыл шаруашылық алқабы жалға берілді. Бұл туралы жұма күні облыс әкімдігінің баспасөз қызметі хабарлады.

Облысы әкімі Болат Бақауовтың айтуынша, мақсатқа сай пайдаланылмай жатқан ауыл шаруашылық жерлері өңірдің басты проблемасына айналып отыр. сондықтан қалалар мен аудандарда пайдаланылмайтын ауыл шаруашылық жерлеріне салынатын салық мөлшері артқан.

2012-2014 жылдары жүргізілген инвентарлау нәтижесіне сүйенсек, 587 мың гектар ауыл шаруашылығы алқабының пайдаланылмай жатқаны анықталған. Бүгінгі күні оның 320 мың гектары мемлекет меншігіне қайтарылды. Қазір 323,3 мың гектарды мемлекетке қайтару жұмыстары жүріп жатыр.

Хабарламаға сүйенсек, облыста ауыл шаруашылығы өнімдерін өндірушілерге жерді тиімді пайдалану ережелері түсіндіріліп жатыр. 28 жерді тиімсіз пайдалану фактісі анықталып, 2,6 млн теңге көлемінде айыппұл салынды. Қазіргі таңда облыста 5 млн гектардан астам алқап ауыл шаруашылық мақсаттарда пайдаланылмай отыр.

Хабарламаға сүйенсек, облыста халыққа жер мәселесін түсіндіру бағытында белсенді жұмыс жүріп жатыр. Халық арасында қызу пікірталас тудырған Жер кодексіне қатысты ұсыныстардың бәрі қаралып жатыр.

Айдарлар мұрағаты