Жаңартылды: 23.02.2018, 17:51 (АСТ)

05.05.2016

Мәжіліс депутаттары Павлодар облысында бірқатар нысандардың салынуына ықпал етуге уәде етті


Павлодар. 5 мамыр. ИНТЕРФАКС-ҚАЗАҚСТАН – Павлодар облысының әкімі Болат Бакауов парламент мәжілісінің депутаттарымен кездесу кезінде аймақ үшін маңызды жобаларды жүзеге асыруға ықпал етуді өтінді.

"Оның ішінде селоларды сумен қамсыздандыру, Май және Беловодскі су құбырларын қайта құру мәселесі, Ақсу қаласында қалалық жылытушы қазандығын салу, "Павлодар" арнайы экономикалық аймақтың инженерлік инфрақұрылымының құрылысы және басқа да мәселелер бар", делінген бейсенбіде облыстық әкімшіліктен таралған хабарламада.

Сонымен қатар 1960 жылы салынған және пайдаланылып жатқан онкологиялық диспансердің жаңа корпусын салу керек болып отыр.

"Ғимарат санитарлық-эпидемиологиялық талаптарға сай емес. Диспансерге жаңа корпус керек. Құрылыстың жобалық-сметалық құжаттары дайын, сараптамасы бар. 2015 жылдың бюджетінде жаңа ғимарат салу үшін 7,2 млрд теңге көзделген, бірақ жаңа нысандарды салуға мораторий жария етілгендіктен, бұл бағыттағы жұмыс тоқтап тұр", делінген онда.

Баспасөз қызметінің деректеріне қарағанда, депутаттар бұл мәселе бойынша көмек беруге уәде етті. Олардың айтуынша, Павлодарда 200 орынға арналған облыстық онкологиялық диспансер және аусымына 100 адамды қабылдай алатын емхана ашу аса өзекті мәселе.

Аймақ басшысы атап өткендей, депутаттармен өз ара тығыз ықпалдасу барысында көптен бері шешімін таппаған мәселелер бойынша пікір алмасу болды.


Айдарлар мұрағаты

Баспасөз орталығы



Error message here!

Show Error message here!

Close