01.04.2016
Павлодар. 1-сәуір. ИНТЕРФАКС-ҚАЗАҚСТАН – Павлодар облысында өңірде туристік кластер қалыптастыру және оны дамыту жөніндегі іс-шаралар жоспары іске асырылып жатыр, деп хабарлайды облыс әкімдігінің баспасөз қызметі.
"ЭКСПО-2017" көрмесіне дайындық қарсаңында "Астана ЭКСПО-2017 ҰК" АҚ "Саят Павлодар" және "Бес жұлдыз" ЖШС-мен бірнеше меморандум бекітті. Келісім негізінде облыс аумағында "Павлодар – Ертіс бойындағы қала", "Баянауыл аңызы-1", "Баянауыл аңызы-2", "Шалдай ормандарына саяхат", "Ертіс жағалауындағы Павлодар" деген атаумен бес туристік бағыт әзірленді, делінген хабарламада.
Сонымен қатар, қазір туристерді Мәшһүр Жүсіп Көпеевтің кесенесіне апаратын туристік бағыт дайындалып жатыр.