Жаңартылды: 23.05.2018, 17:57 (АСТ)

19.04.2016

Павлодар облысында 2019 жылға дейін 1,2 трлн теңге сомаға 30-дан аса жоба жүзеге асырылмақ


Павлодар. 19 сәуір. ИНТЕРФАКС-ҚАЗАҚСТАН – 2015-2019 жылдарға арналған үдемелі индустриалды-инновациялық даму мемлекеттік бағдарламасының екінші кезеңі шеңберінде Павлодар облысы құны 1,2 трлн теңге 31 жобаны жүзеге асырады, деп хабарлады аймақ әкімі Болат Бакауов.

"Жалпы алғанда екінші бесжылдық аясында Павлодар облысында 1,2 трлн теңгенің 31 жобасын жүзеге асыру көзделген", деді Б.Бакауов Ұлттық "100 нақты қадам" жоспарын жүзеге асыруға арналған орталық коммуникациялар қызметінде өткен брифингіде.

Оның ішінде осы жылдың соңына дейін үдемелі индустриалды-инновациялық даму мемлекеттік бағдарламасының екінші бесжылдығы аясында Павлодар облысында 11 жобаны іске қосу көзделген, ондағы инвестициялардың жалпы көлемі 24 млрд теңге.

"Біздің өсетін негізгі нүктеміз және инвесторлар үшін алаңша – Павлодар арнайы экономикалық аймағы. Бүгінгі күнде оның аумағында 4 кәсіпорын жұмыс істеп жатыр, инвестицияларының жалпы көлемі 40 млрд теңгеден асады. Инфрақұрылым құрылысына 3 млрд теңге игерілген.Керекті нысандар салынды. Мен келтіріп өткен цифрлерді салыстыратын болсақ, онда бюджеттің 1 теңгесіне 13 теңге жеке меншік инвестиция тартыппыз. Арнайы экономикалық аймаққа қатысушылар шығарған өнімнің көлемі 14 млрд теңгеден асады", деп атап өтті Б.Бакауов.

Сонымен қатар "Павлодар" арнайы экономикалық аймақ аумағында тағы 8 жобаны орындау көзделген, оның жалпы сомасы шамамен 400 млрд теңге. Оның ішінде 2 кәсіпорынның инвестицияларының жалпы көлемі 7 млрд теңге, олар жұмыстарын биыл бастамақ.

"Қазір пысықталып жатқан жобалардың (11 жоба) инвестицияларының жалпы көлемі шамамен 3 млрд долларды құрамақ", деді Б.Бакауов.


Айдарлар мұрағаты

Баспасөз орталығы



Error message here!

Show Error message here!

Close