Жаңартылды: 23.05.2018, 17:57 (АСТ)

12.04.2016

Павлодар облысының басшылары Екібастұзда өндірілген өнімдерді сату проблемасын шешуге көмектеспек


Павлодар. 12 сәуір. ИНТЕРФАКС-ҚАЗАҚСТАН – Павлодар облысының әкімі Болат бақауов Екібастұз қаласындағы кәсіпорындарда өндірілген өнімдерді сату проблемасын шешуге көмектесуге уәде берді, деп хабарлайды облыс әкімдігінің баспасөз қызметі.

Хабарламаға сүйенсек, 2015 жыл соңында Екібастұз ГРЭС-1 өндірген электр қуатының көлемі 24,2% қысқарған. Бұған Ресейге экспортталатын өнім көлемінің қысқарып, қазақстандық тұтынушылар тарапынан сұраныстың төмендеуі түрткі болды.

Соған қарамастан, кәсіпорын №1 энергоблокты қалпына келтіру, ашық электр тарату құрылғысын жаңғырту және отын беру жүйесін жетілдіру жөніндегі инвестициялық жобаларды іске асыруды тоқтатқан жоқ.

Бүгінде "Қазақстан вагон жасау компаниясы" ЖШС мен "Богатырь Көмір" ЖШС де өз өнімдерін өткізу жағынан қиындықтарға душар болып отыр.

Аймақ басшысының айтуынша, облыстағы өнеркәсіп ошақтарының 27 пайызы Екібастұзда орналасқан. Мұнда ірі өндіріс орындары бар.

"Екібастұздық кәсіпорындардың алдында тұрған мәселелердің бірі – өнімді сату. Біз алдағы уақытта осы проблеманы шешумен айналысамыз", - деді Б.Бақауов.

Кеншілер үшін күрмеуі қиын болып отырған мәселенің енді бірі – отын-энергетика кешеніне маман даярлайтын аймақаралық оқу орталығының жайы. Б.Бақауовтың айтуынша, сақалды құрылыстың тағдырын шешпес бұрын оны төңірегіндегі судан арылту қажет.

"Оқу орталығы ғимаратын не істейміз деген мәселені кейін қараймыз. Алдымен мұнда дренаж жүйесін тарту қажет. Осы мәселені Білім министрімен жан-жақты талқылап, кейінірек бір шешімге келеміз деп ойлаймын", - деді аймақ басшысы.

Екібастұздағы білім беру нысаны 2011 жылы пайдалануға берілуі тиіс болатын. Алайда, құрылыс аяқталған кезде оның жертөлесі жер астынан шыққан суға толып кетті. 15 оқу корпусын батпақты жерге салған құрылыс компаниясы дренаж жүйесін ойластырмаған болып шықты.


Айдарлар мұрағаты

Баспасөз орталығы



Error message here!

Show Error message here!

Close