Жаңартылды: 23.10.2018, 18:58 (АСТ)

18.11.2015

Павлодар облысында 2015 жылы 3,5 млрд теңгеге автожолдардың 234 шақырымы жөнделді


Павлодар. 18 қараша. ИНТЕРФАКС-ҚАЗАҚСТАН - Павлодар облысында 2015 жылы 3,5 млрд теңгеге жергілікті мәні бар автожолдардың 233,7 шақырымында жөндеу-қалпына келтіру жұмыстары жүргізілді, делінген облыс әкімшілігінің баспасөз қызметінен таралған ақпаратта.

Көлік жүруге арналған облыстық мәні бар жолдарды жөндеуге қаржы жергілікті және республикалық бюджеттерден бөлінген.

Мәселен, республикалық бюджет есебінен Шақат-Восточное-Шалдай жолының төрт шақырымы жөнделді. Сонымен қатар, 2012-2020 жылдарға арналған шағын қалаларды дамыту бағдарламасын жүзеге асыру шеңберінде Екібастұз бен Ақсуда 4 телім қайта құрылып, алты телім орташа жөндеуден өткізілген.

Биыл үкімет резервінен облыстық әкімшілікке мақсатты ағымдағы трансферт ретінде 939,5 млн теңге облыстық және аудандық мәні бар жолдарды күрделі жөндеуден өткізу үшін бөлінді.

Биыл қыс мерзімінде жергілікті мәні бар жолдарға күтім жасау үшін бюджеттен 498,5 млн теңге бөлінді.

Жергілікті мәні бар автомобиль жолдарының жалпы ұзындығы 4148,4 шақырымды құрайды.


Айдарлар мұрағаты

Баспасөз орталығы



Error message here!

Show Error message here!

Close