Жаңартылды: 23.10.2018, 16:12 (АСТ)

02.11.2015

Павлодарда жүзден астам отбасы қоныс тойын тойлады


Павлодар. 2-қараша. ИНТЕРФАКС-ҚАЗАҚСТАН – Павлодарда аймақтарды 2020 жылға дейін дамыту бағдарламасы шеңберінде жаңа тұрғын үй пайдалануға берілді. Бұл туралы дүйсенбі күні облыс əкімдігінің баспасөз қызметі хабарлады.

"108 пəтер "Тұрғынүйқұрылысжинақбанкі" АҚ салымшылары мен жалға берілетін пəтер кезегінде тұрған отбасыларға берілді", - делінген хабарламада.

Хабарламаға сүйенсек, тоғыз қабатты үйдің жалпы аумағы 6278 шаршы метр. Құны 770 млн теңге.

Тұрғындарға пəтер кілтін табыс еткен Павлодар облысының əкімі Қанат Бозымбаев "мұны мемлекет басшысының Қазақстан азаматтарының өмірін жақсартуға бағытталған саясатының іске асып жатқанын дəлелдейтін оқиға" деп атап өтті.

Айтуынша, жыл соңына дейін тағы екі тұрғын үй пайдалануға берілмек. Яғни, тағы 144 отбасы қоныс тойын тойлайды деген сөз.

Павлодар облысында аймақтарды дамыту бағдарламасы шеңберінде: Тұрғынүйқұрылысжинақбанкі жүйесі арқылы несиеге берілетін баспана, кезекте тұрғандарға берілетін жалдамалы пəтер, жас отбасыларға жалға берілетін баспана, коммерциялық баспана, ҚИК арқылы берілетін пəтер сынды бірнеше бағыт бойынша тұрғын үйлер салынып жатыр.


Айдарлар мұрағаты

Баспасөз орталығы



Error message here!

Show Error message here!

Close