07.10.2015

Қанат Бозымбаев Павлодар облысы мен Ресейдің Новосибирск облысы арасында тікелей әуе рейсін ашуды ұсынды

Павлодар. 7-қазан. ИНТЕРФАКС-ҚАЗАҚСТАН – Павлодар облысының әкімі Қанат Бозымбаев Новосибирск облысының губернаторы Владимир Городецкиймен кездесті, деп хабарлайды облыс әкімдігінің баспасөз қызметі.

Баспасөз хабарламасына сүйенсек, Павлодарда өтіп жатқан инвестициялық форум шеңберінде ресейлік «СибИнвестГруп» компаниясымен «Павлодар облысы аумағында автокөліктерге арналған алюминий дискілер шығаратын зауыт салу» жобасын іске асыру жөнінде меморандум бекітілмек.

«Бұл облысты дамыту тұрғысынан алып қарағанда аймақ үшін өте маңызды жоба. Сондықтан аталған жобаны іске асыруға жан-жақты қолдау көрсетеміз», - деді Қ.Бозымбаев, делінген хабарламада.

Сонымен қатар, әкім қос облыс орталықтарына тікелей қатынайтын әуе рейстерін ашу мәселесін қарастыруды ұсынды. Бұл бастама В.Городецкий тарапынан да қолдау тапты.

Тараптар инвестиция саласында өзара тиімді ынтымақтастық мәселелерін ортаға салды.

Айдарлар мұрағаты