Жаңартылды: 23.05.2018, 13:06 (АСТ)

22.10.2015

Павлодарда жалпы құны 22,9 млрд теңгелік кокс зауыты іске қосылды


Павлодар. 22-қазан. ИНТЕРФАКС-ҚАЗАҚСТАН – "УПНК-ПВ" ЖШС "Павлодар" ЕЭА қыздырылған мұнай коксын өндіретін зауытты іске қосты. Бұл туралы бейсенбі күні Павлодар əкімінің баспасөз қызметі хабарлады.

2014 жылы желтоқсан айында жобаның бастапқы кезеңі - қыздырылған коем қондырғысының өндірістік желісі іске қосылған болатын.

Өндірістің екінші желісі биылғы қазан айында пайдалануға берілді.

"УПНК зауытында екі бірдей кокс қыздыру желісі бар. Олар бір-біріне бағынбайды, дербес жұмыс істейді. Олардың əрқайсысы жылына 102,5 мың тонна дайын өнім шығарады", - делінген хабарламада.

Зауыттың жобалық қуаты жылына 205 мың тонна қыздырылған кокс өндіруге жеткілікті.

Кəсіпорын Павлодар мұнай-химия зауыты өндірген шикі мұнай коксын шикізат ретінде пайдаланады.

"Өнімді негізінен "Қазақстан электролиз зауыты" АҚ пайдаланады. Олар анод өндірісіне қажетті коксты бұрын Қытайдан алып отырды. Енді қытайлық импорт толығымен отандық өніммен алмастырылды. Сонымен қатар, болашақта УПНК өнімдерінің бір бөлігін Ресей мен Қытайға экспорттау жоспарланып отыр", - делінген хабарламада.

Хабарламаға сүйенсек, УНПК кокспен қатар электр қуаты мен гипс өндірмек. Бұл өндіріс схемасына артық жылу торабы мен күкірт қосындыларынан алынған газды тазарту торабын жалғау арқылы іске асырылады.

"Сол арқылы УПНК өзін электр қуатымен толық қамтамасыз етіп қана қоймай, артық энергичны басқа тұтынушыларға сатады. Жылына 94 млн квт энергия алынады. Оның 62 млн квт компания қажеттілігінен артылып қалуы тиіс", - делінген хабарламада.

Зауыт жылына 4 мың тонна гипс шығармақ.

Жобаның бас мердігері China Nonferrous Metal Industry’s Foreign Engineering and Construction Co., Ltd (NFC).


Айдарлар мұрағаты

Баспасөз орталығы



Error message here!

Show Error message here!

Close