Жаңартылды: 29.03.2024, 17:21 (АСТ)

14.10.2015

Қазақстандық Павлодар және ресейлік Омбы бауырлас қалалар болды


Павлодар. 14 қазан. ИНТЕРФАКС-ҚАЗАҚСТАН – Павлодар қаласының әкімі Болат Бақауов және Омбы мэрі Вячеслав Двораковский тату көршілестік туралы келісім жасасты, деп хабарлады Павлодар қаласының әкімшілігінен.

В.Двораковскийдің айтуына қарағанда, екі қала арасындағы бірінші әріптестік келісімшартқа 2007 жылы тамыз айында қол қойылған, жаңа құжат сол бұрындары орнатылған іскерлік және мәдени байланыстарды күшейте түсуге тиіс.

"Біздің қарым-қатынасымыз 300 шақырым шекарадан әлдеқайда кең. Экономика, әлеуметтік сала, өнер, ғылым. Омбыдағы жылу екібастұз көмірі есебінен беріліп отыр. Ондай мысал көп-ақ. Бастысы, қарым-қатынастарымыздың қарқындылығын жойып алмау», деді Омбы мэрі.

Павлодар әкімі болса соңғы сегіз жылда екі қала арасындағы іскерлік миссиялар күшейе түсті, деп атап өтті, шағын және орта бизнесте бірлескен жобалардың саны арта түскен.

Ресей Павлодар облысының негізгі саудалық әріптестерінің бірі болып табылады. Павлодарлық кәсіпорындар 2014 жылы 1 млрд доллардың өнімін жеткізіп берді, 900 млн доларға ресейлік өнім әкелінген.


Айдарлар мұрағаты

Баспасөз орталығы


Error message here!

Show Error message here!

Close