Жаңартылды: 28.03.2024, 13:19 (АСТ)

08.10.2015

Итальяндық компаниялар Павлодар облысында бірлескен жобаларды іске асыруға қызығушылық танытып отыр


Павлодар. 8 қазан. ИНТЕРФАКС-ҚАЗАҚСТАН – Италияның Қазақстандағы төтенше және өкілетті елшісі Стефано Раваньян Павлодар облысы әкімі Қанат Бозымбаевпен кездесуде бірлескен жобаларды іске асыруға қызығушылық танытты. Бұл туралы бейсенбі күні аймақ басшысының баспасөз қызметі хабарлады.

Хабарламаға сүйенсек, елші келешегі бар әрі әлеуеті жоғары жобалар жайлы ақпарат алмасуды ұсынды.

«Елші облыс әкімінен өз өнімдерін шетелге шығаруға мүдделі нысандар тізімін беруді өтінді», - делінген хабарламада.

Павлодар облысының әкімі Қанат Бозымбаев өз кезегінде аймақтың экспорттық бренді ретінде дайын алюминий өнімдерін, темір жол саласының өнімдерін, өндірістік және тұрмыстық сипаттағы химия өнімдері мен табиғи ресурстарын мысалға келтірді.

Сондай-ақ, өңір басшысы «Павлодар» ЕЭА инфрақұрылымын тарту жұмыстарының аяқталғанын және оның аумағында жоғары деңгейде өңделген металлургиялық өнімдер шығаратын кәсіпорын орналасуы мүмкін екенін еске салды.


Айдарлар мұрағаты

Баспасөз орталығы


Error message here!

Show Error message here!

Close