Жаңартылды: 25.05.2018, 17:51 (АСТ)

25.09.2015

Павлодар облысы ауыл шаруашылығы өнімдерін өндірушілер Астанаға жәрмеңкеге 172 млн теңгенің өнімін әкелмек


Павлодар. 25 қыркүйек. ИНТЕРФАКС-ҚАЗАҚСТАН –Павлодар облысының тауар өндірушілері Астанаға ауыл шаруашылық жәрмеңкесіне 172 млн теңге сомасына 575 тонна өнім әкеледі, делінген облыс әкімінің баспасөз қызметінің хабарламасында.

Биыл жәрмеңкеге Павлодар облысының жүзден аса қайта өңдеу кәсіпорындары мен ауыл шаруашылық құрылымдары қатыспақ.

"Жәрмеңке Астанада алдағы демалыс күндері өтпек», делінген онда.

Хабарламада атап өтілгендей, жұмада Павлодар облысының әкімі Қанат Бозымбаев және Астана қаласының әкімі Әділбек Жақсыбеков сауда-экономикалық әріптестік туралы келісімге қол қойған.

Келісім шеңберінде әкімшіліктер Астана қаласы мен Павлодар облысының іскерлік қатынастарын дамыту, кәсіпкерлікті қолдау мен ілгерлету мәселелері бойынша ынтымақтасып отыр.

"Қала әкімшілігі Павлодар облысының ауыл шаруашылық өнімдерін өндірушілерге «Шапағат» коммуналды рыногынан сауда орындарын жеңілдік шартпен береді, ауыл шаруашылығы өнімдерін сату үшін арнайы дүкендерден орын ұсынады», делінген онда.

Ал Павлодар облысының әкімшілігі облыстың ауыл шаруашылығы өндірушілерінің өз өнімдерін базардан төмен бағамен сатылуын қамтамасыз етпек.


Айдарлар мұрағаты

Баспасөз орталығы



Error message here!

Show Error message here!

Close