11.09.2015

Қазақ хандығының 550 жылдығын атап өтуге арналған тарихи-мәдени экспедиция Павлодарда басталды

Павлодар. 11 қыркүйек. ИНТЕРФАКС-ҚАЗАҚСТАН – Павлодарда жұмада Баян батырға арналған ескерткіш қасында Қазақ хандығының 550 жылдығын атап өту шеңберінде тарихи-мәдени экспедиция басталды.

"Экспедицияға қатысушылар - жастар, ғалымдар, археологтар облыстың Қазақ хандығының құрылуы тарихына байланысты айтулы орындарды аралап өтеді. Ақтоғай, Ертіс, Май, Баянауыл аудандары мен Екібастұзда болады», деп хабарлады "Интерфакс-Қазақстанға" Қазақстан халқы Ассамблеясының облыстық филиалынан.

Аймақта акция 11-17 қыркүйек аралығында өтпек, сосын ол Шығыс Қазақстан облысының Семей қаласында жалғасады. "Эстафеталық таяқша" ретінде экспедицияға қатысушылар эстафета күнделігін алды, онда осы кезеңде өткен бүкіл оқиғалар мазмұндалатын болады.

Мұндай акциялар жұмада еліміздің тағы үш қаласында басталды, ол Алматы Астана және Ақтау қалалары.

Айдарлар мұрағаты