Жаңартылды: 20.08.2018, 17:26 (АСТ)

26.08.2015

Павлодар облысында экотехнологиялар жөніндегі құзыреттілік орталығын құру көзделген


Павлодар. 26 тамыз. ИНТЕРФАКС-ҚАЗАҚСТАН – Павлодар облысында Экологиялық технологиялар жөніндегі құзыреттілік орталығы құрылатын болады, делінген облыс әкімінің баспасөз қызметінен таралған ақпаратта.

Хабарламада атап өтілгендей, оған экология саласында кәсіби қызметтер көрсететін халықаралық ғылыми-зерттеу ұйымдары мен компанияларды тарту көзделген.

Орталық жұмысының негізгі бағыттарының бірі экология саласында (суды, ауаны, жерді тазалау, қалдықтарды қайта өңдеу) өнім өндіретін және технологияларды трансферттеуші компанияларды оқшауландыру болып табылады.

Облыста өздеріне тән қалдықтары бар сегіз өнеркәсіптік нысанның санитарлық-қорғаушы аумақтарындағы шекарада

атмосфералық ауаға мониторинг жасау бағдарламасы әзірленген.

Жалпы алғанда тәуліктің күндізгі және түнгі уақытында атмосфералық ауа жағдайының шамамен екі мың үлгісін іріктеп алу көзделген.

Тұрақты түрде он экологиялық бекет жұмыс істейді, олар зиянды заттардың 13 компоненті бойынша мониторинг жүргізеді.

"Экологиялық жағдайды жақсарту жөнінде жасалып отырған шаралардың барлығы 2015 жылдың бірінші жартыжылдығында атмосфераға жалпы тасталатын зиянды заттардың көлемін 1,2% азайтуға ықпал етті», делінген хабарламада.


Айдарлар мұрағаты

Баспасөз орталығы



Error message here!

Show Error message here!

Close