Жаңартылды: 17.08.2018, 17:34 (АСТ)

12.08.2015

Павлодар облысында құны 1,3 млрд теңге үй құрылысы комбинаты пайдалануға берілді


Павлодар. 12 тамыз. ИНТЕРФАКС-ҚАЗАҚСТАН –Павлодар облысында құны 1,3 млрд теңге құрастырушы-монолит каркас үй құрылысы зауыты пайдалануға берілді, деп хабарлады облыс әкімінің баспасөз қызметінен.

Зауыт панель ғимараттарды салуға және құрастыруға арналған кәсіпорындардың қатарына жатады, басқаша айтқанда ол үй құрылысы комбинаты деп аталады.

"Үй құрылысы комбинаты бұрынғы темір бетон бұйымдары зауытының базасында құрылған, ол жылына шамамен 40 мың шаршы метр тұрғын үй сала алады, келешекте жылына 100 мың шаршы метр болады деп көзделген», деп хабарланған Павлодар облысы әкімшілігінің баспасөз хабарламасында.

Зауыттың жобасы "Даму Өндіріс II" мемлекеттік бағдарлама шеңберінде жүзеге асырылған.

Комбинаттың негізгі өнімдерін темір бетондар құрайды, олар «ҚазСҚСҒЗИ» (КазНИИССА) мен Қазақстанның басқа жобалаушы институттары әзірлеген үлгілік жобаларға орай құрастырушы-монолит каркас үй құрылысының технологиялары бойынша нысандарды салуға жұмсалмақ.

"Мұнда құрылыс үшін керекті бетон бөліктерінің бәрі өндірілмек- бетон плиталар, бағаналар, ригель, балка, үш қабатты сыртқы панель өндірісі үшін бұрмалы үстелдер линиясы бар. Сонымен қатар баспалдақ марштары, лифт шахталары секілді құрылысқа керекті басқа да өндірістер ашылмақ», деп атап өтті Павлодар облысының әкімі Қанат Бозымбаев, оның сөздері хабарламада келтірілген.

Жаңа үй құрылысы комбинатында пайдаланылатын жаңа технологиялардың арқасында Павлодар облысында тұрғын үй салу мерзімдері 1,5-2 есеге азаймақ, деп атап өтті әкім.


Айдарлар мұрағаты

Баспасөз орталығы



Error message here!

Show Error message here!

Close