Жаңартылды: 25.05.2018, 17:51 (АСТ)

24.07.2015

"Астана ЭКСПО-2017" Павлодар облысының тауар өндірушілерімен 760 млн теңгеге келісімшарт жасасты


Алматы. 24 шілде. ИНТФЕРФАКС-ҚАЗАҚСТАН – "Астана ЭКСПО-2017" ұлттық компаниясы Павлодар облысының тауар өндірушілерімен 760 млн теңгеге келісімшарт жасасты, деп хабарлады "Астана ЭКСПО-2017" баспасөз қызметінен.

"Астана ЭКСПО-2017" ҰҚ мен Павлодар облысының әкімшілігі арасындағы ынтымақтастық туралы меморандумға 2014 жылы желтоқсанда қол қойылған. 2015 жылдың 1 шілдесіне қарағанда құрылысқа Павлодар облысының 3 тауар өндірушісі тартылып отыр, жасалған келісімшарттардың жалпы сомасы 760 млн теңгені құрады", делінген таралған ақпаратта.

Сонымен қатар Павлодар облысының шамамен отыз шақты компаниясы ЭКСПО-2017 қатысуға ниет білдіріп отыр, оның ішінде металлургия, машина жасау, химия, жиһаз, жеңіл өнеркәсіп, логистика, қауіпсіздікті ұйымдастыру және қоғамдық тамақтандыру секторлары бар.

"Павлодардың металлургия кәсіпорындары 40 мың тоннаға дейін арматура беруге дайын, бұл импорттық шикізатты толығымен алмастыруға жеткілікті», деп атап өтті Павлодар облысы әкімінің орынбасары Николай Дычко, оның сөздері таралған хабарламада келтірілген.

Алдында хабарланғандай, бүгінгі күнге қарағанда "Астана ЭКСПО-2017" нысандарын салуға 101 қазақстандық компания тартылып отыр, қол қойылған келісімшарттардың сжалпы сомасы 88 млрд теңге. Қарағанды, Қызылорда, Солтүстік Қазақстан,Павлодар, Шығыс Қазақстан, Жамбыл облыстары және Астана қаласының әкімшілігімен арада меморандумдарға қол қойылған.

"Астана ЭКСПО-2017" ҰК» АҚ 2013 жылы 15-қаңтарда ЭКСПО-2017 көрмесін дайындау және өткізу мақсатында құрылған болатын.


Айдарлар мұрағаты

Баспасөз орталығы



Error message here!

Show Error message here!

Close