Жаңартылды: 29.03.2024, 17:21 (АСТ)

17.07.2015

Павлодар облысында Ferroplan фин компаниясы қоқысты қайта өңдеуге арналған зауыт салуды жоспарлауда


Павлодар.17 шілде. ИНТЕРФАКС-ҚАЗАҚСТАН – Павлодар облысында Ferroplan фин компаниясы қоқысты қайта өңдеуге арналған зауыт пен биогазды қондырғы салуды жоспарлап отыр, деп хабарлады облыстық әкімшіліктің баспасөз қызметінен.

"Жасыл технологиялар" мәселесін Павлодар облысының әкімі Қанат Бозымбаев Қазақстандағы Финляндияның төтенше және өкілетті елшісі Илкка Райсаненмен талқылады.Тараптар сондай-ақ бизнес-қатынастарды дамыту келешегін, «жасыл технологиялар» туралы қазақстандық –фин форумын ұйымдастыру жайын да талқылады.

Қалдықтарды басқару жүйесін жетілдіру «Жасыл экономика» тұжырымдамасы бағыттарының бірі, бұл әсіресе қуатты өнеркәсіп орталығы болып саналатын Павлодар облысы үшін маңызы ерекше. Павлодар облысында фин компаниялары инвестиция құя алатындай жүзден аса дайын инвестициялық жоба мен бизнес-жоспар бар, делінген хабарламада.

Павлодар аумағының Орта Азия мен Шығыс Ресей арасында көліктік-логистикалық хаб болатындай мүмкіндігі бар, делінген ақпаратта.

Қ.Бозымбаев фин жағына күзде "Ертіс-Инвест" инвестициялық форумында тағы бір кездесіп, ынтымақтастықты жақсылап талқылауды ұсынды.

Ferroplan фин компаниясы су өңдеу жобалары мен қалдық материалдардың кең ауқымын қайта өңдеуге, сұрыптауға, басқаруға арналған конвейерлі жүйелерді жүзеге асыруға мамандандырылған.


Айдарлар мұрағаты

Баспасөз орталығы


Error message here!

Show Error message here!

Close