08.07.2015

Павлодар облысы бюджетінің тиімділігі артты

Павлодар. 8-шілде. ИНТЕРФАКС-ҚАЗАҚСТАН – Соңғы бес жылда Павлодар облысы бюджетінің тиімділік рейтингі жоғарылады. Бұл туралы облыс әкімдігінің баспасөз қызметі хабарлады.

«Өткен жылдың қорытындысы бойынша аймақтар арасындағы бюджет тиімділігі рейтингінде Павлодар облысы 100 балдың 47,6 балын жинады. Сараптаманы 2010 жылдан бері жыл сайын Қаржы министрлігі мен президент әкімшілігі жүргізіп отырады. Бюджет бес талап бойынша бағаланды», - делінген хабарламада.

Жоспарлау сапасы жағынан облыс тиісті 28 балдың 8-ін, қаржылық дисциплинаны бұзу фактілерінің жоқтығы жағынан 0 балл (тиісті 12 балл), іс-шаралар мен қаулылар жағынан 0 (10 балл), бюджеттік бағдарламалардың жетістігі жағынан 22 балдың 18-ін жинады. Жалпы алғанда облыс қоржынына 47,67 балл түсті.

Сонымен, Павлодар облысы Қазақстан өңірлерінің арасында 11-ші орынға ие болды.

«Соңғы кезде бюджет тиімділігі рейтингі жыл сайын төмендеп келген Павлодар өлкесі даму көрсеткіштеріне қол жеткізе бастады. Мәселен, 2010 жылы Павлодар облысы бюджетінің тиімділік көрсеткіші 64,1 балды, 2011 жылы - 55,5 балды, 2012 жылы - 53,4 балды, 2013 жылы - 43,6 балды құрады», - делінген хабарламада.

Облыс әкімі Қанат Бозымбаевтың айтуынша, 2015 жылы аймақ аталған рейтингте айтарлықтай жоғары көтерілуі тиіс.

Айдарлар мұрағаты