Жаңартылды: 29.03.2024, 12:39 (АСТ)

29.06.2015

Павлодарлық диқандар Маңғыстау облысына 7,5 млрд теңгеге көкөніс жеткізіп береді


Павлодар. 29 маусым. ИНТЕРФАКС-ҚАЗАҚСТАН – Павлодар облысының диқандары «Маңғыстау бау-бақша терминалы» ЖШС-мен 7,5 млрд теңгеге көкөніс жеткізіп беру туралы келісім бекітті.

Облыс әкімдігі баспасөз қызметінің хабарлауынша, 100 мың тонна картоп, 50 мың тонна сәбіз бен қырыққабат жеткізу жоспарланған.

Әкімдіктер аймақ аралық ынтымақтастық шеңберінде өзара қарым-қатынастарды дамыту келешегін, соның ішінде, арнайы экономикалық аймақтарды дамыту мәселелерін талқылады.

«Павлодарлық кәсіпорындардың Маңғыстау облысындағы серіктестермен сауда-экономикалық қатынастыр аясын кеңейтіп, нығайтуға мүмкіндігі бар», - деп атап өтті аймақ басшысы Қанат Бозымбаев.

Жуырда жұмыс сапарымен барып қайтқан Қ.Бозымбаев «Ақтау» теңіз порты» арнайы экономикалық аймағының ерекше әсер қалдырғанын» атап өтті.

«Сіздердің тәжірибелеріңізге қызығып отырмыз. Өйткені, біздің облыс аумағында да «Павлодар АЭА бар. Сіздерді отандық және шетел нарығына арнап өнім шығаратын жаңа кәсіпорындар құру саласында ынтымақтастыққа шақырамыз. Өйткені, бұл АЭА дамуын қамтамасыз етіп, инвесторларды көптеп тартуға мүмкіндік береді», - деді Қ.Бозымбаев.


Айдарлар мұрағаты

Баспасөз орталығы


Error message here!

Show Error message here!

Close