Жаңартылды: 23.10.2018, 16:12 (АСТ)

17.06.2015

Павлодар облысында ластаушыларды қайта өңдеу жөніндегі зауыттың қоршаған ортаға әсері барынша мұқият бағалануға тиіс –әкімшілік


Павлодар. 17 маусым. ИНТЕРФАКС-ҚАЗАҚСТАН – Тұрақты органикалық ластауыштарды қайта өңдеу мен утилизациялау жөніндегі зауыт құрылысының жобасы қазір талқылану сатысынан өтуде, деп хабарлады Павлодар облысының әкімшілігінен.

"Оның сипатын, жоспарланып отырған қызметтің ауқымдылығын, қоршаған орта мен жергілікті халыққа ықпал етудегі экономикалық және экологиялық мәнін ескере отырып,облыс әкімшілігі бұл жобаның қоршаған ортаға әсері барынша мұқият әрі кеңінен бағалануға тиіс деп санайды», делінген хабарламада.

Павлодар облысының жер қойнауын пайдалану, қоршаған орта және су ресурстары басқармасы бұл жобаның қоршаған ортаға ықпал етуін алдын-ала бағалануын зерттегенде техникалық-экономикалық негіздемелерде бірқатар олқылықтардың орын алғандығын анықтады.

Онда жобаланып отырған зауыт қалдықтарының атмосфералық ауаға ықпалы және Павлодар қаласының атмосферасының ластануының жалпы деңгейіне қосар үлесі бағаланбаған. Сондай-ақ құрамында тұрақты органикалық ластауыштар бар материалдар мен қалдықтарды , қауіпті қалдықтарды (ауыр металл, мышьяк, қорғасын, кадмий, мырыш, кобальт, марганец, никель, ртуть, күкіртті сутегі, өлшемелі заттар, шаң-тозаң және басқасы)өртеген кезде тікелей пайда болатын ластаушы заттар туралы мәліметтер жоқ.

Әкімшіліктен атап өткендей, бүгінгі күнде зауыт салынуы ықтимал үш алаңша қарастырылуда, оның бірі Павлодарда солтүстік өнеркәсіптік ауданда арнайы экономикалық аймақ шеңберінде, алаңы 56 гектар. Басқа телімдер Шығыс Қазақстан облысында Курчатов қаласында және Қарағанды облысында.

"Жобаның бастамашылары энергетика министрлігі және Халықаралық қайта құру мен даму банкі (Дүниежүзілік банк). Техникалық-экономикалық негіздеменің құны 650 мың доллар.Жобалық-сметалық құжаттама мен зауытты салу құны шамамен 60-70 млн еуро", -делінген хабарламада.

Қолданыстағы заңға орай 2013 жылдан бастап нысандарды салуға рұқсатты жергілікті атқарушы органдар береді, сол себепті бұл жоба бойынша толық және нақтылы есептер жүргізілмейінше және қоғамдық тыңдаулар қайтара өтпейінше, Павлодар облысының әкімшілігі бұл мәселе бойынша келісімін бере қоймайды, делінген хабарламада.

Алдында хабарланғандай, Павлодар жұртшылығы қалада органикалық заттарды қайта өңдеу жөніндегі зауытты салуға қарсылық білдірген болатын.


Айдарлар мұрағаты

Баспасөз орталығы



Error message here!

Show Error message here!

Close