Жаңартылды: 28.03.2024, 13:19 (АСТ)

11.06.2015

Павлодар облысында қолданылған шаралар арқасында селдің бұдан да қиын салдарынан құтылу мүмкін болды –әкім


Астана. 11 маусым. ИНТЕРФАКС-ҚАЗАҚСТАН –Павлодар облысының әкімі Қанат Бозымбаевтың пікірінше, "Астана - Өскемен" жолының телімін қазу туралы шешім аймақ билігінің дұрыс шешімі болды, соның арқасында көктемгі селдің бұдан да елеулі салдарының алдын алу мүмкін болған.

"Біз бұл шаруаны шұғыл түрде атқардық, сол сәт үшін бұл ең оңтайлы шешім болды, су сосын біз ашқан арнаны шайып әкетті. Соның арқасында Ақсудың жүздеген, мүмкін мыңдаған үйі аман қалған болар», деді ол Астанада бейсенбіде сыбайластыққа қарсы ықпал ету жөніндегі республикалық қоғамдық кеңестің отырысында.

Қ.Бозымбаев еске салып өткендей, сел сулары Ақсуда тек 12 үйге ғана жайылып үлгерген, олар бүгінде ретке келтіріліп жатыр. Жуық арада түпкілікті реттеліп болып қалар, деді ол.

Әкімнің сөзіне қарағанда, құрылысқа тапсырыс беруші «ҚазавтоЖол» болып табылатын «Астана-Өскемен» автожолының жобалық сметалық құжаттамасын дайындау кезінде жергілікті жердің ерекшеліктері ескерілмеген, дәлдеп келгенде Ертіс өзенінің көктемде тасуы мен Шульба су қоймасынан судың ағызылуы назарға алынбаған. Сол себепті біз, жергілікті билік төтенше жағдай режимін жариялауға мәжбүр болдық. (...).Біз ені үш метр жолды қаздық, өйткені екінші жақтан биіктігі алты метр су жиналып қалды, ал екінші жағы құрғақ болды. Ақсу ауылы мен қаланың бірқатар үйлерін су басып қалу қаупі болды», деді әкім.


Айдарлар мұрағаты

Баспасөз орталығы


Error message here!

Show Error message here!

Close