Жаңартылды: 19.10.2018, 18:46 (АСТ)

11.06.2015

Әкім жұмысының сапасына тек үш жылдан соң баға беруге болады, деп санайды Павлодар облысының әкімі


Астана. 11 маусым. ИНТЕРФАКС-ҚАЗАҚСТАН –Аймақ әкімдерінің жұмысының нәтижелері туралы олар қызметте үш жыл болған соң ғана баға беруге болады, деп санайды Павлодар облысының әкімі Қанат Бозымбаев.

"Әр әкімшіліктің ішінде ішкі саясат басқармасы бар, ақша бөлініп, жыл сайын социологиялық зерттеулер жүргізіледі, бірақ халықпен арада байланыс болмайынша, әкімшілік ешқандай ішкі саясат жүргізе алмайды. Әрине, 2014 жылы биліктің жергілікті органдарының (Павлодар облысы - "ИФ-Қ") беделі онша болмады деп айтуға болады. Алдындағы облыс әкімі сотталса, орынбасары сотталса, кеңесшісі сотталса, сіздер халық бір жылдан соң не болғанын ұмытып кетеді деп ойлайсыздар ма? Ұмытпайды», деді ол Павлодар облысында «Нұр Отан» партиясының «2015-2025 жылдары сыбайластыққа қарсы ықпал ету бағдарламасын» орындау барысы мәселелері жөніндегі сыбайластыққа қарсы ықпал етуге арналған республикалық қоғамдық кеңестің отырысында сөйлеген кезінде.

"Статистика бойынша әдетте облысқа жаңа басшы келсе, жұмыс нәтижесі үшінші жылы байқала бастайды, оған дейін жобалық-сметалық құжат дайындайсың, оны осында Астанада министрлердің алдында қорғап дәлелдеп шығасың, сосын ғана сала бастайсың. Тек үшінші жылдың соңына қарай ғана нәтиже болмақ, сол кезде ғана халық саған қарай икемделе бастамақ, сонда не жұмыс істегенің, не құр отырғаның көріне бастайды», деді облыс басшысы.

"Сондықтан да уақыт бар санаймын.Менің ойымша, елбасының сенімі болса, біз бұл жағдайды түзеуге тырысамыз», деді ол.


Айдарлар мұрағаты

Баспасөз орталығы



Error message here!

Show Error message here!

Close