11.06.2015

Павлодар облысында селоларды сумен қамтамасыз ету мәселесі 2016 жылы шешіліп қалар, деген үмітте аймақ басшысы

Астана.11 маусым. ИНТЕРФАКС-ҚАЗАҚСТАН – Павлодар облысының әкімі Қанат Бозымбаев келесі жылы аймақта селоларды сумен қамтамасыз ету мәселесі түпкілікті шешімін табар, деген үмітте.

"Селолық пункттерді сумен қамсыздандыру жағынан біз республика бойынша ең соңғы орындамыз, бізде село тұрғандарының небары 19,5% ғана орталықтандырылған сумен қамтамасыз ету жүйесіне қолы жетімді болып отыр. Сол себепті өткен жылы бірінші күннен бастап (облыс әкімі болып тағайындалған кез - "ИФ-Қ") біз 66 село үшін жобалық сметалық құжаттама дайындадық, әзірге республикалық бюджеттен қаржыны тек 5 село ғана алды», деді ол Павлодар облысында «Нұр Отан» партиясының «2015-2025 жылдары сыбайластыққа қарсы ықпал ету бағдарламасын» орындау барысы мәселелері жөніндегі сыбайластыққа қарсы ықпал етуге арналған республикалық қоғамдық кеңестің отырысында сөйлеген кезінде.

"Келесі жылы тағы 60 село қаржыландырылып, біршама алға ілгерлейміз деген үміттеміз», деді облыс әкімі.

Айдарлар мұрағаты