05.06.2015

Павлодарлық компаниялар Маңғыстау облысына 5,5 млрд теңгенің тауарын жеткізіп бермек

Павлодар. 5 маусым. ИНТЕРФАКС-ҚАЗАҚСТАН – Павлодар мен Маңғыстау облыстарының кәсіпкерлері арасында өнім тасымалдауға қатысты қол қойылған келісімшарттардың жалпы құны 5,5 млрд теңгені құрап отыр, делінген облыс әкімінің баспасөз қызметінен таралған ақпаратта.

"Павлодардық кәсіпорындардың ішінде ең ірі жеткізуші "KSP Steel" ЖШС болмақ, ол мұнай саласы үшін тігісі жоқ құбырларды тасымалдайды. Кәсіпорын 3,5 млрд теңгенің тауарын "Өзенмұнайгаз" АҚ, "Маңғыстаумұнайгаз" АҚ, "Қаражанбасмұнай" АҚ тасымалдап бермек, делінген хабарламада.

Баспасөз қызметінің деректеріне қарағанда, "Каспийлік машина жасау кешені" "KSP Steel" ЖШС-мен арада 100 млн теңгеге құйма болат пен 1,2 млрд теңгеге шыбық болат тасымалдау туралы келісті.

"Павлодар зауыты "ТЕМІРМАШ" ЖШС Маңғыстау облысына 112 млн теңгенің тауарын тасымалдайды. Сонымен қатар, метал өңдеумен айналысатын "Format Mach Company" "Өзенмұнайгаз" АҚ-мен арада бес жылға 500 млн теңгенің келісіміне қол қойды.

"Қазэнергокабель" ЖШС 100 млн теңгенің тауарын тасымалдап беруді жоспарлап отыр.

Алдында хабарланғандай, Павлодар және Маңғыстау облыстарының билігі өз ара ынтымақтастық туралы екіжақты меморандумға қол қойған болатын.

Айдарлар мұрағаты