30.05.2015

Энергия үнемдеу бағдарламасының арқасында Павлодар облысының кәсіпорындары 950 млн теңге үнемдеді

Павлодар. 30 мамыр. ИНТЕРФАКС-ҚАЗАҚСТАН –2014 жылы Павлодар облысында облыс кәсіпорындарының энергия тиімділігін арттыру үшін 96 шара жүзеге асырылды, бұл шартты отынның 105 мың тоннасын үнемдеуге мүмкіндік берді.

"Экономикалық тиімділік 946,8 млн теңгені құрады", деп хабарлады Павлодар облысы бойынша энергетика және тұрғын-үй коммуналды шаруашылық басқармасы бастығының орынбасары Ерболат Бәкішев энергия үнемдеу жөніндегі конференцияда.

Оның сөзіне қарағанда, ірі тұтынушылардың ресурс үнемдеу әлуетін айқындау үшін энергоаудиттер жүргізілді, қазір ол 5 кәсіпорында аяқталды, оның ішінде "Екібастұз ГРЭС-1" ЖШС, "Қазақстан алюминийі» АҚ, "Қазэнергокабель" АҚ, "Екібастұз ГРЭС-2 станциясы" АҚ, "Еуразиялықэнергетикалық корпорация" бар.

Биыл тағы 10 кәсіпорында жұмыс аяқталатын болады.

Е.Бәішев атап өткендей, облыстың 7 кәсіпорны энергоменеджементтің халықаралық стандартталаптарына сәйкестігін анықтайтын сертификациялық аудиттен өтті, тағы үш кәсіпорында ол енгізу сатысында.

"Сонымен қатар облыстың квазимемлекеттік секторының бюджеттік ұйымдарында 446 нысанда 183,4 млн теңгеге энергоаудит өткізілді.

Бюджеттік секторда35 мың шаршы метр терезелік жақтау ауыстырылды, 125 мың шаршы метр шатыр жөнделді, сыртқы қабырғаның 66 мың шаршы метрі қапталды, бұл 485, 5 мың кВтчмен 1 735,6 Гкал үнемдеуге мүмкіндік берді", деді ол.

Айдарлар мұрағаты