26.05.2015

Павлодар облысында 2015 жылдың соңына дейін 435 млрд теңгенің жеті жобасы іске қосылады

Павлодар. 26 мамыр. ИНТЕРФАКС-ҚАЗАҚСТАН – Павлодар облысында 2015 жылдың соңына дейін 435 млрд теңгенің жеті жобасы іске қосылады, делінген облыс әкімінің баспасөз қызметінен таралған ақпаратта.

"2015 жылы іске қосылуы көзделген аса ірі жобалардың бірі Бозшакөл таукен байыту комбинатын салу. Сонымен қатар туристік кластер құру үшін, жол-көлік инфрақұрылымын дамыту үшін инвестор тарту жұмыстары жүргізілмек", делінген хабарламада.

Биыл "Нұрлы жол" инфрақұрылымды бағдарламасын орындау үшін 6,5 млрд теңге бөлінген.

Қаржы коммуналды инфрақұрылым нысандарын жаңалауға, сумен қамсыздандыру және су тарату жүйелерін дамытуға, несиеге берілетін үйлердің құрылысын аяқтауға, инженерлік коммуникацияларды жүргізуге жұмсалмақ.

Әкімшіліктің деректеріне қарағанда, "Бизнестің жол картасы – 2020" бағдарламасы бойынша 3,7 млрд теңге бөлінген.160 жобаның қаржыландырылуы көзделген. "Жұмыспен қамтудың жол картасы -2020" бағдарламасының 157 қатысушысына жалпы сомасы 451 млн теңге микронесие берілмек.

Индустрияландыру бағдарламасының екінші бесжылдығын орындау жалғастырылмақ. 6 мың жұмыс орнын құру арқылы жалпы инвестициясы 1,2 трлн теңгенің 24 жобасын жүзеге асыру көзделген.

Айдарлар мұрағаты