22.05.2015

ЕҚДБ мен Павлодар облысының әкімдігі трамвай паркін жаңғыртуға 2,5 млрд теңге көлемінде несие бөлу туралы келісті

Павлодар. 22-мамыр. ИНТЕРФАКС-ҚАЗАҚСТАН – Еуропаның қайта құру және даму банкі (ЕҚДБ) мен Павлодар облысының әкімдігі бейсенбі күні VIII Астана экономикалық форумы шеңберінде қалалық трамвай паркін жаңғыртуға 2,5 млрд теңге көлемінде несие бөлу жөнінде меморандум бекітті. Бұл туралы облыс әкімінің баспасөз қызметінен хабарлады.

«ЕҚДБ қолдап отырған жоба трамвай паркінің үшінші бөлігін жаңғыртуға бағытталған. Қаржы 25 заманауи вагон сатып алуға, трамвай жолдарының жамалған жерлерін күшейтуге және инфрақұрылымды жаңғыртуға жұмсалады», - делінген хабарламада.

ЕҚДБ қаржыны трамвай жүйесінің операторы «Павлодар трамвай басқармасы» АҚ-на береді. Сонымен қатар, оператор үкіметтен инвестициялық субсидия ретінде 910 млн теңгеге жуық қаражат алады.

Бұған дейін хабарлағанымыздай, кредит 13 жыл мерзімге беріледі. Бастапқы үш жылында жеңілдікпен төленеді.

Айдарлар мұрағаты