Жаңартылды: 29.03.2024, 13:56 (АСТ)

17.04.2015

Павлодар облысында көпірді су басып қалды, бірақ ол республикалық маңызы бар жолдағы көлік қозғалысына кедергі келтірмейді


Павлодар. 17 сəуір. ИНТЕРФАКС-ҚАЗАҚСТАН - Павлодар облысында Ащысы өзені үстіндегі көпір су астында қалғандықтан көпірді айналып өту схемасы жасалды.

"Автокөліктер жайын жолмен жүріп жатыр. Шамамен 100 шақырымдай жерді айналып өтуге тура келеді. Баянауыл ауданы Теңдік ауылында көпірді су шайып кетті. Соған байланысты жолдың аталған бөлігі жабық", - деп хабарлайды облыс əкімдігінің баспасөз қызметі.

Хабарламаға сүйенсек, көпірді жөндеуге кем дегенде бір ай уақыт қажет.

Ұзындығы 72 метрлік көпір өткен ғасырдың сексенінші жылдары салынған. Қарағанды жəне Павлодар облыстарының арасын жалғап жатқан көпір 12-сəуірде суға кеткен болатын.


Айдарлар мұрағаты

Баспасөз орталығы


Error message here!

Show Error message here!

Close