24.04.2015

ERG тобы павлодарлықтарға Wi-Fi қосылған бес трамвай сыйлады - əкімдік

Павлодар. 24-сəуір. ИНТЕРФАКС-ҚАЗАҚСТАН - Павлодарда облыс əкімдігі мен ERG компаниясы бекіткен меморандум іске асырылып жатыр. Бүгін компания қала тұрғындарына бес трамвай сыйлады.

"Бұл трамвайлар жарықты үнемдеп пайдаланады, салондары ыңғайлы да жайлы, онда мүмкіндігі шектеулі жандарға арналған арнайы көтергіш құрылғылар бар. Сонымен қатар трамвайларда Wi-Fi орнатылған", - деді облыс əкімі Қанат Бозымбаев.

Жаңа трамвайлар қаланың тұрғын үйлер көп шоғырланған аймақтары арқылы жүреді жəне жалпы жолаушы тасымалының 40 пайызға жуығын қамтамасыз етеді. Вагондар пайдалануға берілгеннен кейін аталған аудандардағы жол ақысы 55 теңгеге төмендейді.

"Алдағы уақытта біз трамвай паркін жаңартып қана қоймай, тағы бірнеше қызықты жобаны іске асырамыз.

Биыл қалада алғашқы трамвайдың пайдалануға берілгеніне елу жыл толып отыр.

Айдарлар мұрағаты