Жаңартылды: 29.03.2024, 17:21 (АСТ)

15.04.2015

Павлодар облысында сел салдарынан келтірілген залал 900 млн теңгеден аса қаржыны құрап отыр


Павлодар.15 сәуір. ИНТЕРФАКС-ҚАЗАҚСТАН – Павлодар облысының басшылығы сел салдарын жою жөнінде шаралар қолданып отыр.

Алдын-ала есептерге қарағанда, селдің жүруінен келтірілген залал 900 млн теңгеден асқан, делінген сәрсенбіде облыстық әкімшіліктің баспасөз қызметінен таралған ақпаратта.

Ақпаратқа қарағанда, 10-сәуірден бері республикалық және облыстық мәні бар жолдарда 9 учаскіде судың жолдарға ағып жатқандығы байқалып отыр. Осы орайда әкімшілік жергілікті мәні бар жолдарда учаскілердің шайылып кетуіне жол бермес үшін шаралар жоспарын қабылдады.

Суды тоқтату және жолдардың жиектерін күшейту жөнінде шаралар қабылданды. Мәселен, өткен демалыс күндері Бірлік селосы қасында ені 300 метрдей су аққан. Су өткізгіш құбырлар аққан суға төтеп бере алмаған, соның салдарынан 40-50 метр жердегі жол бұзылып, ұзындығы 100-150 метр жолды су шайып кеткен.

Сонымен қатар, "Қазавтожол" АҚ-ның облыстық филиалы техниканы жұмылдыру және учаскіге инертті материал тасымалдау жұмыстарына кірісіп кетті. Қазіргі уақытта онда 8,5 тонна тас әкелінген, 33 самосвал жұмыс істеуде.

Сондай-ақ баспасөз қызметінің ақпаратына қарағанда,12-сәуір күні су қысымының күшті болуы салдарынан Ащысу өзені арқылы өтетін көпірдің аралық тіреуіштерін су шайып әкеткен.

"Қазавтожолдың" ақпаратына қарағанда, бұл көпір республикалық мәні бар жолдың бойында орналасқан. Қазір көпір апатты жағдайда, оны пайдалануға болмайды, қалпына келтіру үшін кем дегенде бір ай уақыт керек.

Май ауданында су қоймаларының Жоғарғы Ертіс каскадынан ағызылып отырған суының көбеюіне орай Қарасарауда село тұрғындарының 150 ірі қара малы қалып қалды, судың тоқтамауы салдарынан малды айдап әкету мүмкін болмай отыр. Ол жерге төтенше жағдай департаментінің шұғыл тобы жіберілді.


Айдарлар мұрағаты

Баспасөз орталығы


Error message here!

Show Error message here!

Close