28.01.2015

Павлодарда жылдам шахматтан халықаралық турнир өтуде

Павлодар. 28 қаңтар. ИНТЕРФАКС-ҚАЗАҚСТАН – Павлодарда сәрсенбі күні «Павлодар облысы әкімінің кубогын» жеңіп алуға арнап жылдам шахматтан халықаралық турнир басталды. Оның жүлде қоры 3 млн теңге.

«Турнир айналмалы жүйе бойынша тоғыз турда өткізіледі. Уақыты бақылау: біріншіден бастап әрбір қадам үшін 10 секунд қосумен партия соңына дейін 15 минут. Жарыстар ФИДЕ ережелері бойынша өткізіледі», - делінген облыстық әкімдіктің баспасөз қызметі таратқан хабарламада.

Қатысушылар арасында халықаралық гроссмейстерлер Александр Халифман (Ресей), Алексей Александров (Беларусь), Ахмед Адли (Египет), Евгений Владимиров және Павел Коцур (Қазақстан) және өзге атақты спортшылар қатысады.

Үш күнге созылатын турнирді ашу кезінде облыс әкімі Қанат Бозымбаев басталып отырған турнир құрамы бірегей екенін, олардың қатарында Азия, Еуропа, Америка, Африка, Австралия чемпиондары, сондай-ақ әлем құрама командасының капитаныхалықаралық гроссмейстер Александр Халифман барын атап көрсетті.

Айдарлар мұрағаты