Нұрсұлтан НАЗАРБАЕВ:

"Интерфакс" халықаралық ақпарат кеңістігінде лайықты орын иеленіп, әлемдегі ең ірі агенттіктердің біріне айналды.

Әлемдік ақпараттық журналистиканың үздік тәжірибесін пайдалана отырып, "Интерфакс" әрқашан да шынайы және анық ақпарат таратып келеді. Осының арқасында агенттік өз жазылушылары мен әлемдегі, соның ішінде Қазақстандық оқырмандар арасында да үлкен сенімге ие болды.

«Интерфакс-Қазақстан» еліміздің ақпараттық кеңістігінде 1996 жылдан бері жұмыс істеп келеді. Осы уақыт ішінде ол республикадағы жетекші бұқаралық ақпарат құралдарының қатарына енді және Қазақстанда болып жатқан қоғамдық-саяси, әлеуметтік-экономикалық процестерді халыққа таратуда маңызды рөл атқарады.

«Интерфакс» тобының алдағы уақытта да шынайы ақпар тарату дәстүрі мен жоғары кәсіби деңгейінен ауытқымайтынына, әлемдегі миллиондаған адамдар үшін беделді ақпарат көзі болып қала беретініне сенімім мол.

Қасым-Жомарт ТОҚАЕВ:

"Интерфакс-Қазақстан" агенттігі бүгінгі таңда еліміздегі жетекші агенттіктердің бірі болып саналады. Сіздің агенттік дүниежүзілік ақпараттық журналистиканың озық тәжірибесін пайдалана отырып, әрқашан шынайы және объективті ақпарат таратып келеді.

Оның үстіне, «Интерфакс-Қазақстан» жұмыс барысында ең жоғарғы стандарттарды ұстана отырып, өз әріптестерін кәсіби жетілуге ынталандырады және еліміздің ақпараттық кеңістігінің әрі қарай дамуына ықпал етеді.

Тәуелсіз Қазақстанның ілгерілеуі мен мемлекеттілігінің нығаюы барысында Сіздің агенттіктің атқарар рөлі маңызды екені даусыз".

Кәрім МӘСІМОВ:

"Аздаған жылдар ішінде “Интерфакс-Қазақстан” агенттігі мемлекеттік органдарда және іскерлік қоғамда ақпараттың жоғары кәсіби, шынайы және жедел көзі ретінде беделге ие бола алды.

“Интерфакс” агенттігі Қазақстанда ғана емес, шетелдерде де өз жаңалықтары мен талдамалық материалдарының дәлдігі және өзектілігімен кеңінен танымал болса, “Интерфакс-Қазақстан” агенттігі қазақстандық жетекші бұқаралық ақпарат құралдарының біріне айналды".

Қайрат КЕЛІМБЕТОВ:

"Шүбә жоқ, "Интерфакс-Қазақстан" агенттігінің журналистері кәсіби біліктілігімен, сапасы мінсіз және шынайы материалдар берумен ерекшеленеді.

Артта қалған кезеңнің бәрінде де сіздер мемлекетіміздің саяси, экономикалық және әлеуметтік өміріндегі барлық оң өзгерістердің куәсі болдыңыздар. Бұл жаңалықтардың бәрі де сіздің агенттіктің күнделікті ақпараттық және сараптамалық материалдарынан көрініс тауып отырды".

Даниал АХМЕТОВ:

"Сіздің агенттік Қазақстанның саяси-әлеуметтік және экономикалық өміріне қатысты шынайы әрі сапалы ақпарат таратуда жетекші рөл атқарады".

"Интерфакс-Қазақстан" агенттігі Қазақстандағы саяси және іскерлік ақпаратты әлем нарығына жаңа тәсілмен жеткізу үлгісін көрсетіп, Қазақстан президенті Нұрсұлтан Назарбаевтың мемлекетімізді әлемдегі бәсекеге қабілетті 50 ел қатарына қосу бойынша алға қойған міндеттерін жүзеге асыруға ақпараттық үлес қосып келеді".

Иманғали ТАСМАҒАМБЕТОВ:

"Қазақстанда болып жатқан қоғамдық-саяси және экономикалық үдерістерді көрсете отырып, сіздер шынайы, жедел және сапалы ақпаратты бағалайтын адамдар арасында бедел қалыптастырып, жоғары сенімге ие болдыңыздар.

Сіздер шығаратын жаңалықтар тізбегі, іскерлік, мұнай, қаржылық шолулар бүгінде ақпаратты тұтынушылар арасында үлкен сұранысқа ие болып қана қоймай, ол – қазақстандық және шетелдік банктер, биржалар, өзге де қаржы институттары мен консалтингтік фирмалр үшін жұмыс барысында қолданатын интеллектуалдық "шикізатқа" айналды".

Мұхтар ҚҰЛ-МҰХАММЕД:

"Сіздер елде болып жатқан оқиғаларды жедел әрі шынайы таратуға айтарлықтай үлес қосып, қазақстандықтардың ақпарат алу деңгейін көтеруге ықпал етіп келесіздер.

Азаматтық қоғамның маңызды институты болып табылатын БАҚ азаматтардың саяси мәдениетін жаңадан қалыптастыруға әсер етеді. Бұл мемлекет басшысы тарапынан белгіленген еліміздің саяси жүйесін жаңғырту және демократияландырудың басты бағыттарының бірі болып саналады. Сіздің агенттіктің бұл үдеріске белсенді қатысатынын үлкен ілтипатпен атап өткім келеді".

Нұртай ӘБІҚАЕВ:

"Сіздің агенттік Қазақстанның ақпарат кеңістігінің дамуына салмақты үлес қосқан ең танымал ақпарат құралы болып табылады. Мемлекетіміз бен әлемдегі көптеген оқиғалар, сыртқы және ішкі саясаттың, күнделікті өмірдің толғағы жеткен мәселелері – міне, сіздердің ашық ақпараттық айшықтарыңыз осындай.

"Интерфакс-Қазақстан" жеделдігімен, шынайылығымен, баға беру мен ұстанымында алалаушылықтың жоқтығымен қазақстандықтардың жоғары сеніміне ие болды. Бүгінде көптеген қазақстандықтар күн сайын "Интерфакстың" ақпараттық тізбегін оқып, еліміз бен әлемде болып жатқан оқиғаларды сіздер арқылы біліп отырады. Сіздер бұған кәсіпқойлық арқылы қол жеткіздіңіздер".

Болат СЕМБИНОВ:

"Қысқа мерзім ішінде сіздер көп нәрсеге қол жеткіздіңіздер, сіздер шын мәнінде мақтана аласыздар. Бүгінгі күні “Интерфакс-Қазақстан” - тиімді ақпараттық ресурс болып отыр.

Жаңалықтар тізбегінде қарулы күштер өміріндегі оқиғалар, мемлекеттің әскери құрамын жаңғырту жайлы ақпараттардың болуы армияның беделін нығайтуға және қазақстандықтардың әскери-патриоттық тәрбиесіне елеулі үлес қосады".

Бауыржан МҰХАМЕТЖАНОВ:

"Сіздерге лауазымы мен атағына қарамастан бәрі құлақ түреді. Сіздер әрдайым алдыңғы шептесіздер. Жұртшылықтың біздің елде және шетелдерде болып жатқан елеулі оқиғалар туралы шынайы ақпараттарға қаншалықты жедел қол жеткізуі сіздерге байланысты.

Сіздердің еңбектеріңіз мемлекетімізде ашықтық пен демократия ахуалына сүйеніш болып отыр. Сіздер қашан да ұтқырлық, шынайылық және сапаға сүйене отырып, қазақстандықтардың өміріндегі оқиғаларды біркелкі насихаттап отырасыздар.

Экстремизм және терроризмге қарсы күрес, нашақорлыққа қарсы тұру, ауыр қылмыстарды ашу жұртшылық пен БАҚ-ның қолдауынсыз мүмкін емес. Осы ортақ істе сіздердің агенттіктеріңіз азаматтардың полиция қызметкерлеріне деген сенімін нығайтуға мүмкіндік беретін байланыстырушы көпір болып табылады".

Бергей РЫСҚАЛИЕВ:

"Бүгінгі таңда саясаткерлерді былай қойғанда, сіздердің журналистік кәсіби қоғамдарыңыздың өкілдерінің өзі төртінші Мұхит – Ақпараттар айдынындағы айқын бағдар беруші – “Интерфакс-Қазақстан” агенттігінің ақпараттарымен күнделікті өмірде сусындамай тұрмас".

Жоғары кәсіпқойлық, ақпараттар берудегі салмақты ой саптауды жеделдікпен ұштастыра білу, міне осының бәрі агенттіктің Қазақстандағы қарқынды түрде қанатын кеңге жайып отырған медиа-рынокта өзіндік бір айқын келбетіне және табыс кілтіне айналды".

Мәжит ЕСЕНБАЕВ:

"Егер сіздерді ақпаратты игеру және меңгерудегі топ-менеджерлер десем қателеспеспін деп ойлаймын. Еліміздегі үздік ақпарат агенттігінің веб-сайтын ашқан кезде, мен өз ісінің кәсіпқой майталмандары әлеміне енемін – бұл тек айқын, дәл, шынайы, жедел, жан-жақты және қашан да өзекті ақпараттар ғана емес, бұл саясат, экономика және бизнестің қыр-сырын жетік меңгергендік, әрбір ақпараттық мәліметтегі терең талдама, сондай-ақ ақпаратты бере білу, оның шынайы мазмұнын аша білу өнері".

Асқар МАМИН:

"Жұмыс жылдары ішінде “Интерфакс-Қазақстан” агенттігі өзін Қазақстанның іскер және саяси топтары үшін жедел, әрі шынайы ақпараттың сенімді жеткізушісі ретінде таныта білді. “Интерфакс” агенттігінің жұмыс сапасы шетел жұртшылығына да жақсы таныс".