"Интерфакс" өз жазылушылары мен әлемдегі оқырмандарының сеніміне ие болды

«Интерфакс» халықаралық ақпарат тобы ұжымын 20 жылдық мерейтойымен шын жүректен құттықтаймын!

Осы уақыт ішінде «Интерфакс» халықаралық ақпарат кеңістігінде лайықты орын иеленіп, әлемдегі ең ірі агенттіктердің біріне айналды.

Әлемдік ақпараттық журналистиканың үздік тәжірибесін пайдалана отырып, «Интерфакс» әрқашан да шынайы және анық ақпарат таратып келеді. Осының арқасында агенттік өз жазылушылары мен әлемдегі, соның ішінде Қазақстандық оқырмандардың арасында да үлкен сенім мен беделге ие болды.

"Интерфакс-Қазақстан" агенттігі еліміздің ақпарат рыногында 13 жылдан бері жұмыс істеп келеді. Осы уақыт ішінде ол республикадағы жетекші бұқаралық ақпарат құралдарының қатарына енді және Қазақстанда болып жатқан қоғамдық-саяси, әлеуметтік-экономикалық процестерді халыққа таратуда маңызды рөл атқарады.

«Интерфакс» тобының алдағы уақытта да шынайы ақпар тарату дәстүрі мен жоғары кәсіби деңгейінен ауытқымайтынына, әлемдегі миллиондаған адамдар үшін беделді ақпарат көзі болып қала беретініне сенімім мол.

«Интерфакс» тобына табыс пен өркендеу, ал оның ұжымына денсаулық, амандық пен шығармашылық белестер» тілеймін!

Құрметпен - Нұрсұлтан Назарбаев.

Айдарлар мұрағаты